Македонската фудбалска репрезентација ќе игра со Белгија, Велс, Казахстан и Лихтенштајн во квалификациите за Светското првенство во 2026, чии домаќини се САД, Канада и Мексико. Само првопласираната селекција оди директно на СП, а второпласираната ќе игра во баражот.

Белгија се издвојува како прв фаворит во групата Ј, иако „златната генерација“ на оваа држава го надмина својот зенит. Во редовите на Велс, а особено кај Казахстан и Лихтенштајн нема големи фудбалски имиња.

Ова ќе биде најмасовното светско првенство досега, откако бројот на учесниците беше зголемен од 32 на 48. Ќе се игра од 11 јуни до 19 јули на 16 стадиони.

Квалификациите почнуваат во втората половина на март.