Осуммина луѓе загинаа, а повеќе се повредени во пожар што утрово избувна во дом за стари лица во населбата Велики Борак во белградската општина Бараево. Пожарот е изгаснат, а во гаснењето учествувал голем број пожарникари.

Пожарот избувнал околу 3:30 часот и точната причина засега не е позната, но министерот за труд, вработување и социјални прашања Немања Старовиќ кажа дека има назнаки дека бил подмеднат од еден од корисниците на домот.

„Домот ги имаше сите потребни дозволи и сите противпожарни услови“, кажа Старовиќ.

Лука Чаушиќ, началникот на секторот за вонредни ситуации во министерството за внатрешни работи, кажа дека се повредени седум лица, а 13 биле спасени од огнот.

„Според првичните податоци, во домот имало 30 штитеници“, додаде тој.