Танкер се запали покрај брегот на Англија откако се судри со товарен брод, потврдија властите. На местото на судирот пристигнаа чамци за спасување, хеликоптер и пожарникари и во тек е спасувачка операција, која била покрената откако се огласил алармот пред десет часот по локално време.

„Крајбрежната стража учествува во координацијата на спасувачки напори по извешатите за судир помеѓу танкер и товарен брод покрај брегот на Источен Јоркшир. Инцидентот и натаму е во тек“, соопшти британската крајбрежна стража.

Сајтот за следење бродови „Веселфајндер“ објави дека станува збор за американски танкер, кој стои закотвен,  додека другиот брод пловел под знамето на Португалија. Танкерот „Стена имакјулејт“ бил на пат од Грција до Велика Британија и бил еден од десетте танкери означени за снабдување на американската војска со нафта.

Шефот на пристаништето во Гримзби кажа дека на брегот се донесени 32 спасени луѓе и нивната состојба не е позната, но некои членови на екипажот на двата брода и натаму се водат како исчезнати.