Цистерна која превезувала нафта претпладнево излетала од регионалниот пат Гевгелија – Богданци и се  превртела, по што дошло до истекување на нафта и палење, изјави директорот на Дирекцијата за заштита и спасување (ДЗС) Стојанче Ангелов.

Патот Гевгелија – Богданци е затворен за сообраќај.

„Територијалната противпожарна единица од Гевгелија брзо стигна на местото на несреќата и со специјална пена го изгаси огнот кој предизвика силен црн чад и во овој момент имаат целосна контрола. Истекувањето на нафтата продолжува понатаму, опасноста од појава на нов оган е сведена на минимум“, рече Ангелов.