Полицијата уапси три лица во Прилеп кои вчера намерно потпалиле дива депонија. Осомничени се за кривичното дело Предизвикување на општа опасност, казниво по член 288 од Кривичниот законик.

„Полициските службеници од ОВР Прилеп ги фатија лицата Ф. М. (38) од Битола, М. С. (56) и А. Н. (23), двајцата од Прилеп, кои се сомничат дека на 24.09.2025 во населбата Тризла во Прилеп намерно предизвикале пожар на дива депонија“, соопшти МВР.

Пожарот бил локализиран од екипа на Територијалната противпожарна единица Прилеп. По документирање на настанот, против нив ќе следува соодветна кривична пријава, вели МВР.

Ж. ЗДРАВКОВСКА