Митко Јанчев, кандидатот на ВМРО-ДПМНЕ, го доби третиот мандат за градоначалник на Кавадарци. Тој победи со 74 отсто освоени гласови co излезеност од 46%. ВМРО-ДПМНЕ ќе има апсолутно мнозинство во Советот на Општина Кавадарци со 11 советници, додека СДСМ освои два мандата и по еден Левица, ЗНАМ и две листи на граѓани со носителите Ристо Сакалиев и Јован Златевски.

„Го водевме градот осум години, ќе го водиме уште четири. Ќе го направиме Кавадарци да биде најурбан, најчист и најмодерен град. Поради вака големата разлика нема да забегаме, ние сме изградени личности, а апсолутното мнозинство не ни дава за право да бидеме анархија. Ќе го слушаме секој еден граѓанин“, кажа Јанчев.

Во останатите три општини во Тиквешијата – Негоtино, Демир Капија и Росоман ќе има втор круг за избор на градоначалник. Во сите три општини се кандидатите на ВМРО-ДПМНЕ и СДСМ. Во Неготино се  Марија Нацева и Петар Мантев, во Демир Капија – Наталија Димитриева и Лазо Петров и во Росоман – Ѓорѓи Крстевски и Стојан Николов.

П. ПЕЧКОВ