Македонската фудбалска репрезентација ќе игра против Данска во полуфиналето на плеј-офот за Светското првенство 2026 во САД, Канада и Мексико. Бидејќи не е носител, Македонија ќе го игра овој меч на гостински терен.

Ако ја елиминира Данска, Македонија во финалето ќе се сретне со победникот на дуелот Чешка-Република Ирска. Ирците ќе бидат домаќини на финалето.

Полуфиналните мечеви од плеј-офот се играат на 26 март, а финалните на 31 март. Во останатите полуфинални дуели се среќаваат Велс-БиХ, Полска-Албанија, Словенија-Косово и Италија-Северна Ирска.

Македонија ги заврши квалификациите со тешкиот пораз од Велс од 7:1, што ѝ го донесе третото место во групата. Поради тоа, беше сместена во најслабо рангираниот, четврти шешир на ждрепката.

Во интерконтиненталниот плеј-оф, Нова Каледонија ќе игра против Јамајка, а победникот го чека ДР Конго во финалето, додека Боливија ќе се сретне со Суринам. Подобриот од овој дуел ќе се бори против Ирак за пласман на СП.