Управниот одбор на Фудбалската федерација на Македонија го избра Гоце Седлоски за нов селектор на А-репрезентацијата, заменувајќи го Благоја Милевски. Седлоски беше предлог на Комисијата за избор на селектор, составена од Масар Омерагиќ, Горан Пандев, Николче Новески, Агим Ибраими и Марјан Стојковски.

Седлоски е првиот македонски фудбалер кој собра 100 настапи за репрезентацијата и во еден момент беше в. д. селектор на репрезентацијата.

Тренерската кариера ја започна во 2010 и притоа ги водеше Турново, Вардар, Рига, Шкупи, Влазнија, Работнички и вториот тим на Динамо Загреб. Од минатата година повторно беше тренер на Вардар.

Милевски беше селектор од септември 2021 и ФФМ не му го продолжи мандатот по завршувањето на квалификациите за Светското првенство 2026 во САД, Канада и Мексико. На тој начин, Седлоски ќе ја продолжи работата во плеј-офот, каде што Македонија игра со Данска во полуфиналето.