Борге Бренде, шефот на Светскиот економски форум (СЕФ) во Давос, изјави дека поднесува оставка поради неговата врска со осудениот сексуален престапник Џефри Епстин.

„По внимателно разгледување, решив да се повлечам од функцијата претседател и извршен директор на Светскиот економски форум“, рече Бренде, кој стана претседател во 2017.

СЕФ започна истрага за Бренде во почетокот на февруари откако неговата врска со Епстин излезе на виделина во најновите документи објавени од Министерството за правда на САД. Бренде, кој е поранешен норвешки министер за надворешни работи, вечерал со Епстин трипати во 2018 и 2019 и разменувале пораки и е-пошта, што тој го негираше во ноември. По неодамнешните откритија, тој призна дека го познавал Епстин, но тврдеше дека не бил свесен за неговите криминални активности.

СЕФ соопшти дека истрагата е завршена и дека „нема дополнителни загрижености освен она што беше претходно објавено“.

Порано овој месец, поранешниот норвешки премиер и шеф на Советот на Европа, Торбјорн Јагланд, се најде под полициска истрага поради врските со Епстин, амбасадорката на Норвешка во Јордан и Ирак, Мона Јул, поднесе оставка од функцијата, а во контроверзите е вклучена и принцезата Мете-Марит.