Грција и Турција се во спор за потеклото на шкембе-чорбата – традиционалната супа од говедски желудник (шкембе) и нозе („паца“ на грчки и „ишкембе“ на турски).
Сопственикот на ресторан од Солун, Димитрис Царухас, се обидува да ја регистрира шкембе-чорбата во УНЕСКО како грчко културно наследство со корени уште од античко време. Ова предизвика реакција од Турција, која тврди дека чорбата е дел од нивната култура со векови и ја нарекува „ишкембе“. Спорот е дел од пошироките несогласувања меѓу двете земји околу традиционални јадења како баклава, кафе и сарма.
Во Грција шкембе-чорбата се готви од желудник и нозе. (Фото: АП)
Царухас собира историски докази за да ја поткрепи грчката страна, тврдејќи дека рецептот се пренесувал од античките Грци преку Византија до Османлиите.
Шкембе-чората е популарна како лек за мамурлак и стомачни проблеми, а се смета дека од колагенот има здравствени придобивки. Во Грција се готви од желудник и нозе, додека турската верзија најчесто користи само желудник.
Турските готвачи и медиуми ја отфрлаат грчката иницијатива, наведувајќи историски извори што покажуваат дека јадењето постои во Турција најмалку 400 години. И покрај сличностите, двете страни инсистираат на сопствено културно право врз супата. Станува збор за културно-кулинарски спор меѓу Грција и Турција околу традиционално јадење со долга и заедничка историја.
