Жена која била на обука за возач паднала со автобусот во реката Сена, откако удрила во паркиран автомобил, по што излетала од патот. Локалните транспортни власти кажаа дека таа била на крајот од својот практичен тренинг, кога се случил инцидентот во Живиси-сур-Орж, околу 20 километри јужно од Париз.

Тестовите за дрога и алкохол биле негативни и причината за несреќата засега не е позната. Сите четворица луѓе во автобусот се спасени од водата, во што учествувале околу 90 пожарникари, нуркачи и полицајци.

Градоначалничката на Живиси-сур-Орж, Ламија Бенсара Реда, изјави дека возачот изгубил контрола врз возилото во близина на станица до брегот на реката, пред да падне во Сена и да повлече паркиран автомобил со себе.

„Сите беа брзо спасени и, за среќа, се безбедни и здрави“, додаде таа на Фејсбук.