НАТО потврди дека ноќеска бил забележан дрон во близина на украински авион на аеродромот Лајпциг/Хале во Германија, откако летовите беа суспендирани по она што полицијата го опиша како безбедносен инцидент. Според безбедносни извори, дронот бил опремен со експлозиви и детонатор. Во прашање бил товарен авион „антонов“.

Неколку авиони, вклучувајќи патнички авион, беа пренасочени откако беше пријавен неидентификуван летечки објект и беше пронајден сомнителен предмет на аеродромот. Тој е прегледан од полицијата, која испрати робот за деактивирање бомби.

„Свесни сме за инцидентот, што германските власти продолжуваат да го истражуваат“, изјави функционер на НАТО.

Полицијата истражува дали неидентификуваниот летечки објект и сомнителниот предмет се поврзани. Немаше непосредна опасност, изјави портпаролот на полицијата.