Аеродромот во Нирнберг привремено беше затворен поради „можна воздушна вонредна состојба“, изјави полицијата. Затворањето се случи кратко пред слетувањето на авион од грчкиот остров Крф.

Извори за новинската агенција „ДПА“ изјавија дека бил испратен код за вонредна состојба.

Портпаролот на аеродромот кажа дека авионот безбедно слетал, при што бил придружуван од авиони „еурофајтер“, но летовите останаа суспендирани, додека полицијата го обезбедуваше местото.

„Сомнителната вонредна состојба е сè уште непотврдена“, соопшти полицијата.

Инцидентот се случи неколку часа откако полицијата добила известувања за можни беспилотни летала кај аеродромот. Три пилоти пријавиле дека за време на полетувањето или слетувањето виделе објект што можеби бил дрон.