Рускиот независен весник „Новаја газета“ објави дека се затвора поради притисок од властите, кои неодамна го претресоа домот на неговиот уредник и претходно оваа година приведоа еден од новинарите.

„‘Новаја газета‘ престанува да постои. Руските власти и руските специјални служби го принудија уредничкиот тим да ја прекине својата работа“, рече главниот уредник Сергеј Соколов.

Русија воведе цензура речиси како во Советскиот Сојуз откако ја почна војната во Украина, принудувајќи го огромното мнозинство независни новинари во егзил. „Новаја газета“, бастион на независното новинарство во Русија, беше класифицирана од Москва како странски агент.

„‘Новаја газета‘ е убиена. На 9 ноември ќе ги изгасиме светлата во нашиот дом, каде што живееме 30 години. Ќе ги исклучиме серверите и ќе си заминеме“, рече Соколов.

„Новаја газета“ го намали производството во Русија откако започна војната, а властите му ја одзедоа медиумската лиценца во 2022. Тогашниот главен уредник Дмитри Муратов ја доби Нобеловата награда за мир во 2021 „за неговите напори за заштита на слободата на изразување“.