Силно невреме денеска погоди делови од Балканскиот полуостров, а пороен дожд, грмежи и силен ветер имаше и во Скопје вечерва. Во Хрватска, дождот предизвика поплави во Задар, на островот Хвар, како и на делови од Јадранската магистрала.

Силен ветер пропратен со дожд уриваше стебла и однесе покриви во Сараево, БиХ, а во Србија невреме вечерва имаше во Белград и повеќе други градови во Србија.

Според Управата за хидрометеоролошки работи, во Скопје и утре претпладне ќе има локални врнежи со ретки грмежи кои во текот на денот ќе престанат. Во среда услови за краткотраен локален дожд, а во наредните денови стабилно и посвежо, но дневните температури ќе бидат во пораст.

Фото: Ѓорѓи и Сашо Личовски