Хју Хефнер, легендарниот основач на магазинот Плејбој, кој почина на 91-годишна возраст, ќе биде погребан веднаш до Мерилин Монро.

Хефнер си го резервирал местото во меморијалниот парк Вествуд во Лос Анџелес веднаш по нејзината смрт во 1962 година, а 30 години подоцна, за таа привилегија платил 75.000 долари.

На истите гробишта почиваат и други славни јавни личности, како актерот Дин Мартин, музичарот Рој Орбисон и писателот Труман Капоте.

Норма Џин Мортенсон, која подоцна се прослави под името Мерилин Монро и стана еден од најголемите секс-симболи на сите времиња, се појави на насловната страница на првото издание на магазинот, што излезе во декември 1953 година.

Мерилин Монро ја красеше насловната страница на првиот број на Плејбој во декември 1953 година

Првиот број за рекордно време бил продаден во 50.000 примероци и ова беше само најава на доминацијата на пазарот, бидејќи Плејбој веќе во својата втора година имаше седум милиони претплатници.