Две маскирани лица истуриле животински измет пред општина Битола и со него ја испрскале општинската зграда, соопштија од МВР. Настанот се случил вечерта во 2,40 часот кога маскираните лица од возило извадиле канти со животински измет. Тие изметот го истуриле на подот пред влезната врата од општината и го испрскале ѕидот, по што заминале. Од изметот почнала да се шири непријатна миризба. Настанот во полиција го пријавило обезбедувањето на општината, а утрово чистачки се обиделе да ги исчистат лепешките.