Лидерот на опозициската ВМРО-ДПМНЕ Христијан Мицкоски побара амнестија за осудените и обвинетите за нападот во Собранието на 27 април лани и на денешниот протестен марш во Кавадарци. Истото Мицкоски го побара и на протестниот марш на неговата партија во Струмица на 8 јули.

„Она што за обичниот човек значи страв и несигурност, за него (Заев н.з.) значи простор за договори и политички поени, токму со оние криминални структури од населението со кои оваа власт е во тесна и нераскинлива врска и папочно се поврзани. Владата на СДСМ и криминалците ослободени од затворите. Затоа е потребна амнестија за нашите патриоти од 27 април“, кажа Мицкоски.

Во говорот во Кавадарци, Мицкоски обвини дека земјоделството е најниско ниво и дека во здравството не е реализирана ниту една реформа.