Сопругите и девојките на фудбалерите станаа популарен феномен за време на Светското првенство во Германија во 2006 година, кога нивните прошетки низ Баден-Баден беа следени со внимание од светските медиуми.
Набрзо потоа, нивниот изглед почна масовно да се копира, што им донесе голема заработка на бутиците и брендовите, промовирани од Викторија Бекам, Шерил Кол, Алекс Курен, Колин Руни и Елен Лампард. Десет години подоцна, на почетокот на Европското првенство во Франција, некои од трендовите воведени од нив се уште се популарни.
Дизајнерски тренерки
Откако Алекс Курен, сопругата на Стивен Џерард, се појави во жолти дизајнерски тренерки, компанијата што ги произведуваше мораше да прави листа на чекање за парчето спортска облека поради огромниот интерес.
Вештачки тен
Вештачкиот тен стана нормална појава, откако партнерките на фудбалерите почнаа на одат на натпреварите во Германија по сесиите во хотелските солариуми.
Дизајнерски очила
Викторија Бекам понесе со себе 60 пара дизајнерски очила во Баден-Баден и им направи голема промоција на очилата на Версаче и Кавали. Денеска, индустријата на луксузни очила вреди 13 милијарди долари.
Бутици со дизајнерска роба
Бутикот „Крикет“ во Ливерпул, кадешто пазаруваа сопругите и девојките на фудбалерите стана есктремно популарен, па дури и обичните хартиени кеси во кои ги пакуваат купените производи се препродаваа на интернет.
Екстензии за коса
Викторија Бекам и другарките ги направија екстензиите за коса толку популарни што и денеска асоцираат на сопругите на фудбалерите.
Кристијан Лубутен чевли
Високите потпетици на Лубутен беа омилени чевли на сопругите и девојките на фудбалерите пред десет години. Сега, тие се облекуваат поспортски, додека Кристијан Лубутен го прошири асортиманот на производи со лак за нокти и кармин, коишто совршено одговараат на нивните чевли.
