Студентите од пленумот издејствуваа присуство на четворица нивни претставници, како и присуство на медиуми на седницата на Сенатот на УКИМ која е во тек. Блокадата на Ректоратот заврши откако на седницата влегоа четворицата студенти.

Студентскиот и Професорскиот пленум утрово протестираа пред влезот на Ректоратот на Универзитет „Св. Кирил и Методиј“ и бараа седницата за избор на нов ректор да се одложи за да може да се изберат легални претставници на студентите. Тие утврдија оти од вкупно 23 Студентски пелнуми само три се легални според податоците во Централниот регистар.
Студентскиот пленум за овие барања испрати и писмо до Универзитетскиот сенат во кое побара одложување на изборот до септември.
Професорите Ненад Новковски и Никола Јанкуловски се кандидатите од кои треба да се избере новиот ректор.