Оваа градежна сезона конечно ќе почне да се реставрира Офицерскиот дом во Битола, откако договорот за комплетна внатрешна и надворешна обнова ги доби сите потребни потписи, соопшти градоначалничката Наташа Петровска.

„Договорот ги има сите потребни потписи, вклучително и од Владата. Останува да се изврши регистрација на договорот во Секретаријатот за европски прашања и потоа започнува тендер постапка. Офицерскиот дом оваа градежна сезона ќе се гради“, рече Петровска.

Општината доби грант од 1,1 милион евра преку ИПА-фондовите, со што ќе се реставрираат фасадата и внатрешноста на објектот, кој е споменик на културата од почетокот на 20. век.

Ж. ЗДРАВКОВСКА