Македонија повторно го почна процесот на издавање седумгодишна еврообврзница со камата најмногу до 5%, објави Ројтерс, повикувајќи се на Интернешнл Фајненс Ривју (ИФР).

Понудата беше повлечена минатата недела по писмото на член на СДСМ, во кое се наведува дека можеби не постои правна основа за издавање на обврзницата. Првичната понуда беше за 650 милиони евра, а денеска не се споменува сумата.

Обврзницата тогаш беше рекламирана со камата со средна вредност од 5%. Ситигруп, Дојче Банка, Ерсте Груп и СГ ЦИБ се водечки банки агенти за издавање на обврзницата. Македонија има кредитен рејтинг ББ- од Стандард и Пурс и ББ+ од Фич.