Притворената поранешна специјална обвинителка Катица Јанева денеска околу пладне беше спроведена на распит кај Вилма Русковска, шефицата на Обвинителството за организиран криминал и корупција. Јанева е на распит како третоосомничена во случајот „Рекет“ за кривичното дело Злоупотреба на службената положба и овластувања.
Јанева веќе еднаш беше на распит кај Русковска за „Рекет‘, на 20 август, ден пред нејзиното апсење. Вчера на распит кај Русковска беше првоосомничениот Бојан Јовановски-Боки 13, кој одби да даде исказ додека не направи увид во доказите, што е негово законско право.
- БОКИ 13 НЕЈЌЕ ДА ДАДЕ ИСКАЗ ПРЕД РУСКОВСКА, САКА ПРВИН ДА ГИ ВИДИ ДОКАЗИТЕ ПРОТИВ НЕГО
- ЈАНЕВА ДОБИЛА МЕБЕЛ ОД 5.000 ЕВРА ЗА ДА ЈА ЗАПРЕ ПОСТАПКАТА ПРОТИВ КАМЧЕВ, РУСКОСКА БАРА ПРИТВОР ЗА НЕА
Од Обвинителството за организиран криминал и корупција вчера соопштија дека истражната постапка за осомничените лица е завршена и почнува да тече рокот од 15 дена за увид во доказите и правото на одбраната да предлага докази во корист на осомничените.
Во притвор за случајот „Рекет“ е и второосомничениот Зоран Милески-Кичеец, кој беше уапсен на 15 јули, истовремено со Боки 13.
С. К. ДЕЛЕВСКА
