22-годишниот С.Ч., државјанин на Шпанија, попладнево се удави во водите на отворениот Олимписки базен во Битола, потврдија од Битолската полиција. Трагедијата се случила нешто по 16.30 часот, а очевидци кажуваат дека момчето на базенот било со придружба на пријатели.

Од СВР Битола соопштија дека смртта ја констатирал лекар од Итна медицинска помош. Лекарската екипа на лице место се обидела да го реанимира момчето кое не давало знаци на живот. Увид извршила увидната екипа на СВР Битола. Телото било пренсено и во битолската Клиничка болница каде повторно се направиле обиди за реанимација, но без успех. По наредба на јавен обвинител телото е предадено за обдукција.

Последен ваков случај имаше пред четири години кога 14-годишно девојче се обиде да се капе во базенот Довлеџик кој беше затворен во тој период од сезоната.

Ж. ЗДРАВКОВСКА