На граѓаните кои немаат платено данок на имот за 2019 и 2020 ќе им бидат блокирани сметките, велат од Град Скопје. Од Градот им даваат рок обврските да ги подмират до 10 ноември, во спротивно ќе следи присилна наплата.

„Со цел да не се создадат дополнителни трошоци за обврзниците кои не ги платиле своите обврски, во постапка за присилна наплата, како и да се избегнат непотребни оптоварувања кои ќе произлезат од блокадите во банките, потребно е сите со неплатени обврски по основ на данок на имот за 2019 и 2020 година да ги подмират во најкраток можен рок, а најдоцна до 10.11.2022 година“, велат од Град Скопје.

Сите физички и правни лица  дека може да проверат дали се подмирени обврските по основ на данок на имот за 2019 и 2020 година со регистрирање на апликацијата за даноци на интернет порталот на Град Скопје www.skopje.gov.mk.

А. АНТЕВСКА