Градоначалникот на Општина Тетово Билал и понатаму ја продолжува иницијативата за промена на имињата на дел од улиците. За утре, 4 април, тој закажа јавна дебата на која очекувал граѓаните на Тетово да дадат предлози за нови имиња на улиците. На ова повторно остро реагира Сојузот на борците од народноослободителната и антифашистичка борба од Тетово. Од Сојузот велат дека оваа таканаречена јавна дебата е само фарса, дека имињата на улиците се веќе скроени во кабинетот на градоначалникот и затоа таа треба да се бојкотира.

Општинската организација на Сојузот на борците од НОБ од Тетово ушет на 25 јануари го предупреди градоначалникот  Касами дека со најавената промена на имињата на улиците и отстранувањето на имињата на борците НОБ и антифашистичката војна, лесно може да ја отвори пандорината кутија и да дојде до меѓу национална нетрпеливост.

„Сојузот на борци од НОАВМ и граѓани продолжувачи на традицијата од Тетово апелира до граѓаните, политичките партии, граѓанските здруженија, клубовите и сите други облици на општествено здружување, да го бојкотираат лажниот, неискрен и опасен процес на промена на имињата на улиците во градот Тетово, отпочнат и воден од градоначалникот Билал Касами. Сите сме свесни за демократски катацитет на градоначалникот Касами. Процес во кој уште на самиот почеток хероите од антифашистичката коалиција, лично од Касами се преставени како темно минато“, велат од Сојузот во денешното соопштение.

• ОПШТИНА ТЕТОВО ОБЈАВИ ЈАВЕН ПОВИК ЗА ПРЕДЛОЗИ ЗА НОВИ ИМИЊА НА УЛИЦИ, СОЈУЗОТ НА БОРЦИТЕ ЌЕ СЕ ОБИДЕ ВО УСТАВЕН СУД ДА ЈА ПОНИШТИ ОДЛУКАТА ОД 2007 СО КОЈА СЕ ПРЕИМЕНУВАА НЕКОЛКУ УЛИЦИ

Тие велат дека очекувааат советниците од македонска националност кои го формираат потребното квалификувано мнозинство за носење на одлуката за промена на име на улица, а кои досега не отстапија од процесот, веднаш и без одолговлекување јавно да се повлечат и процесот да падне во вода.

„Сојузот на борци од НОАВМ дава отпор на овој груб обид за историски ревизионизам“, се вели во соопштението испратено од Општинската организација на Сојузот на борци од Тетово.

• ТЕТОВСКИОТ СОЈУЗ НА БОРЦИТЕ ОД НОБ ГО ПРЕДУПРЕДИ КАСАМИ ДА НЕ ГИ ЧЕПКА ИМИЊАТА НА АНТИФАШИСТИТЕ ОД УЛИЦИТЕ ВО ТЕТОВО
• УЛИЦИТЕ ВО ТЕТОВО КОИ СЕ СО БРОЈ ЌЕ ДОБИЈАТ ИМЕ, А НЕКОИ КОИ СЕ ОД ВРЕМЕТО НА ПОРАНЕШНИОТ СИСТЕМ ЌЕ СЕ ПРЕИМЕНУВААТ, КАЖА КАСАМИ

З. АНДОНОВ