Град Скопје уште не ја поставил плочата од Нирнберг, која требаше да стои кај гинкото пред Врховен суд оти уште не е набавен каменот на кој ќе стои.

Пред еден месец градоначалникот Петре Шилегов заедно со делегација од Нирнберг го засадија гинкото и беше донесена плочата на која е изгравирана порака дека секој граѓанин има право на праведно и јавно судење пред независен и непристрасен суд.

Садењето на гинкото и поставување на плочата пак Шилегов го најави уште пред три месеци кога беше отстранет споменикот на Ќосето. Но до сега уште не е набавен камен на кој ќе биде поставена.

„Плочата на човековите права сѐ уште не поставена од технички причини, кои очекуваме да ги решиме деновиве. Во тек е набавката на каменот на кој ќе стои и очекуваме да биде поставена кон средината на месецот“, велат од кабинетот на градоначалникот Шилегов.

А. АНТЕВСКА