ОД ДЕНЕСКА ЗА ВЛЕЗ ВО КОКИНО ОД 30 ДО 120 ДЕНАРИ

a:2:{s:16:"td_post_template";s:22:"single_template_civica";s:9:"td_source";s:48:"Куманово(САКАМДАКАЖАМ.МК)

    ОД ДЕНЕСКА ЗА ВЛЕЗ ВО КОКИНО ОД 30 ДО 120 ДЕНАРИ

    Од денеска се  наплаќа влезница за влез во мегалитската опсерваторија Кокино, според одлуката на Кумановскиот музеј за воведување систем за наплата на билети и ангажирање на лиценцирани туристички водичи за разгледување на локалитетот. Влезниците чинат од 30 денари за деца од 5 до 15 години, 60 денари за домашни гости и 120 денари за странци, ќе се продаваат кај стражарската служба на самиот локалитет, а за групни ексурзии преку жиро сметка на музејот.
    „Туристите ќе добијат водич и комплетна приказна за Кокино од самиот влез на локалитетот до врвот, односно до тронот. Обиколката ќе трае околу 2 часа. Наплатата за посета е дел од проектот за самофинасирање и самоодржливост, кој треба да обезбеди редовни приходи за подобро функционирање на локалитетот“, вели Анита Цветановска, директорка на Кумановскиот музеј.
    Измените околу менаџирањето со Кокино се поддржани и реализирани преку проектот на УСАИД за експанзија на мали и средни бизниси заради подобрување на туристичката понуда на североисточниот регион, финсиран од швајцарската влада. Преку проектот беа поставени нови патокази, информативни табли, заштитна ограда за камените тронови на локалитетот, мобилна апликација за аудио водење и нова официјална веб страна на Кокино (www.kokino.mk).
    Музејот најави дека деновиве ќе постави табла со ценовникот, а планирани се тоалети и ограда на локалитетот.
    Министервото за култура со години најавува изградба на патот, сувенирница, музеј, ресторан и пристапните патеки, но засега ништо од тоа.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари