ПЕЈАЧОТ БЕНИ ШАЌИРИ КАНДИДАТ НА ДОМ И ЛДП ЗА ГРАДОНАЧАЛНИК НА СКОПЈЕ 

    ПЕЈАЧОТ БЕНИ ШАЌИРИ КАНДИДАТ НА ДОМ И ЛДП ЗА ГРАДОНАЧАЛНИК НА СКОПЈЕ Бени Шаќири пееше на прославата по повод победата на Петре Шилегов за градоначалнике на Скопје во првиот круг на изборите во 2017. (Фото: СДК.МК)

    Пејачот Бени Шеќири е кандидат за градоначалник на Град Скопје на партиите ДОМ и ЛДП. Двете партии кои заеднички ќе настапат на локалните избори ќе имаат и советничка листа за Советот на Град Скопје, која ќе ја предводи докторот Никола Пановски.

    На денешната промоција, Шаќири кажа дека бил разочаран како главниот град е раководен изминативе 4 години и затоа решил да биде противкандидат на актуелниот градоначалник Петре Шилегов.

    За главниот град кандидати за градоначалник покрај Шаќири и Шилегов, се и претседателката на Сојузот на стопански комори Данела Арсовска која е поддржана од ВМРО-ДПМНЕ, Петар Георгиевски-Камиказа од Левица, Ана Петровска е кандидат на иницијативата Зелен хуман град, а адвокатот Александар Тортевски на Твоја партија.

    Локалните избори ќе се одржат на 17 октомври.

    А. АНТЕВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира