Пожар утрово избувна на планината Водно. Под месноста Марково крувче и надолу гори нискостеблеста и високостеблеста шума, а како што велат од скопската Пожарна, пожарот е ставен под контрола.

„Интервенираме со девет пожарникари и екипа од ЈП „Паркови и зеленило“. Ставен е под контрола и во моментов се интервенира надолу за да не се прошири. Причина за пожарот е човечки фактор“, вели Владимир Симоновски, командант на скопската Бригада за противпожарна заштита.

Од Пожарната апелираат до посетителите на Водно да внимаваат на околината и да пријавуваат неправилности и можни потпалувачи.

А. АНТЕВСКА