Вода се излеа по улици во центарот на Битола откако пукна големата азбестна цевка. Таа течеше и по коловозот на една од најоптоварените улици, Димитар Илиевски-Мурато, која се пресекува со Широк Сокак кај хотелот „Епинал“, како и по околни улици.

Од јавното претпријатие ,,Водовод” соопштија дека се работи за дефект на најголемата азбестна цевка, која минува низ улиците Ленинова, Кирил и Методиј и Стево Патако.

,,Наши екипи веднаш излегоа на терен и веќе се работи на отстранување на дефектот”, рече директорот Горан Козаров.

Екипите на ,,Водовод” го запреа истекувањето на водата за помалку од половина час и на улиците се нормализираше сообраќајот.

Ж. ЗДРАВКОВСКА