РИДОТ ОД ТРОСКА БЛИЗУ ВЕЛЕС ЗА ЧЕТИРИ ГОДИНИ ТРЕБА ДА СЕ ТРАНСПОРТИРА ВО МАЛЕЗИЈА

    РИДОТ ОД ТРОСКА БЛИЗУ ВЕЛЕС ЗА ЧЕТИРИ ГОДИНИ ТРЕБА ДА СЕ ТРАНСПОРТИРА ВО МАЛЕЗИЈАРидот од троска е резултат на три децениската работа на Топилницата и е тежок 1,7 милиони тони и е една од 10-те црни еко-точки во Македонија (Фото:СДК.МК)

    За четири години новите сопственици на концесијата за работа со троската близу Велес, планираат ридот кој е закана по здравјето на велешани да го отстранат. Ова го изјавија КЕПС МОНТ ГРОУП ДОО Скопје која е дел од српската КЕПС МОНТ ГРОУП. Ридот од троска е резултат на три децениската работа на Топилницата и е тежок 1,7 милиони тони и е една од 10-те црни еко-точки во Македонија.

    „Се предвидува отстранувањето на троската да трае во период од 40 до 48 месеци. Со европските стандарди на раздвојување на металите од троската е забрането, користење на киселини, точење, туку постојат посебни методи од страна на нашите партнери таму каде што ќе ја пренесеме во Малезија, ги вадат металите ги даваат на железари на топење, а остатокот го прават цемент. Присуството на метали во велешката згура е на границата“, вели инженерот Ранко Шчекиќ.

    Тој кажа дека фирмата каде работи во Белград, е солвентна, има бонитет АА. Неодамна на прес конференција во Белград тамошната комора соопшти дека во Србија има 2,2 илјади такви фирми, кои имаат промет од 2 милиони динари годишно и остваруваат профит од еден отсто. Соговорникот кажа дека чекаат да се завршат административните работи со Владата околу преносот на концесијата. Иако во непосредна близина на ридот со троска е железничка станица Велес, тие се одлучиле троската да се пренесува по автопат.

    Вакви проекти работевме на Косово, Црна Гора и Србија ги извезувавме исто како што ќе го извезуваме и овој од Македонија. Таму работевме со пристаништата во Бар и Драч, а тука веќе договоривме со Солунското пристаниште. Ќе се вработат доста нови работници за периодот додека се врши преносот. Дневно стотина камиони ќе превезуваат троската за што ќе ангажираме локални транспортери – додаде Шчекиќ. Троската треба да заврши на далечниот Исток, во Малезија.

    Со одлука на Влада од 86-та седница, од 4-ти септември годинава, од Еко Центар 97 кој ја доби концесијата за ридот од троска близу Топилницата во Велес, преминува во КЕПС МОНТ ГРОУП ДОО Скопје.

    П. ПЕЧКОВ

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира