Се асфалтира патот во потпелистерското село Магарево кој е составен дел од единствената асфалтна сообраќајна врска што води до хотелот „Молика“ и другите туристички дестинции на Пелистер, а за чија лоша состојба САКАМДАКАЖАМ.МК пишуваше на 6 јуни годинава.
Патот подолго време пред почетокот на летната сезона беше оставен во лоша состојба, по изградбата на колекторски систем за собирање на фекалните води од домаќинствата и туристичките објекти што ја спроведе Министерството за транспорт и врски.
Општина Битола започна со реконструкција пред неполни два месеца и денес беше ставен нов асфалт.
Должината на реконструкцијата на оваа делница е 537 метри, а е со вредност од 7.763.966 денари обезбедени од општинскиот буџет.
Ж. ЗДРАВКОВСКА
