Главниот град е претворен во џунгла, обраснат со трева од еден метар. Не се искосени зелните површини покрај главните булевари, кејот на Вардар, парковите и игралиштата. 

Од ЈП „Паркови и зеленило“ велат дека имало многу неработни денови и поради тоа не се стигнало да се искоси секаде тревата во градот.

„Се фатија десет неработни денови со празници и изборите. Исто така, изминатиов период имаше дождови, па сонце и затоа тревата е толку порасната. Веќе се работи со стандардна динамика, се косеше и во неделата. Денеска се коси кејот, а во наредните денови ќе се поминат и останатите зелени површини“, велат од „Паркови и зеленило“.

• СКОПЈЕ ОБРАСНА СО ТРЕВА, ДОЦНИ И ПРСКАЊЕТО ПРОТИВ КОМАРЦИ ОТИ ПРОПАДНА ТЕНДЕРОТ – ФОТОГАЛЕРИЈА

• ВЛАДАТА ОБРАСНА СО ТРЕВА ОД НАД ЕДЕН МЕТАР ОТИ „ПАРКОВИ И ЗЕЛЕНИЛО“ НЕ ЈА КОСИ

• ЏАФЕРИ ЈА ПОВИКА ДАНЕЛА ДА ЈА ИСКОСИ ТРЕВАТА ВО ВЛАДАТА, ТАА МУ РЕЧЕ САМ ДА СИ ГО СРЕДИ ДВОРОТ ОТИ НЕ Е НЕЈЗИНА НАДЛЕЖНОСТ

Неискосен е и дворот на Владата, за што минатата недела се скараа градоначалничката Данела Арсовска и техничкиот премиер Талат Џафери. Џафери ја повика Арсовска да ја искоси тревата, а таа му одговори дека тоа не е нејзина надлежност и сам да си го среди дворот.

Освен што градот е неискосен, уште не е почнато ниту прскањето против комарци иако веќе е средина на мај. Не се знае ниту кога ќе се прска, оти тендерот за набавка на средство за прскање пропадна.

А. АНТЕВСКА