Штипските пензионери денеска протестираа за линеарно зголемување на пензиите за 5.000 денари и 18.000 денари минимална пензија. Претходно, пензионерите во чест на 11 Октомври оддадоа почит на загинатите борци од НОВ на споменикот на Револуцијата на Исарот, а потоа на плоштадот во центарот на градот имаа општонароден протест.

Штипски пензионери во знак на протест на министерката Тренчевска ѝ го подарија нивниот празничен ручек, полнети пиперки без месо и без зејтин. (Фото: СДК.МК)

На протестот, штипска пензинерска двојка во името на сите пензионери кои протестираат, а во знак на револт што се исполнуваат нивните барања, симболично за министерката за труд и социјални рабпти Јованка Тренчевска подари празничен ручек од две мали пиперки полнети само со ориз без месо и без зејтин, за илустрација како живеат тие, а некои со нивните пензии и тоа не можат да го купат.

Пензионерите ѝ кажаа на Владата дека не ѝ требаат никакви лажни пакет мерки, туку исполнување на нивните барања, и дека ќе се радикализираат протестите.

Т. ЈОВАНОВСКИ