Граѓанската иницијатива „Доста“ од Струга денеска ќе организира протестен марш поради нерешавање на проблемот со запалената дива депонија .
Протестот ќе започне на кружниот тек кај струшкото “Пливалиште“, а треба да заврши на кружниот тек на влезот на градот. Стружани на кратко ќе го блокираат магистралниот пат Струга- Ќафасан.
“Доставени се барања до премиерот Зоран Заев , Министерството за заштита на животната средина и општина Струга за брза реакција и преземање акција за целосно гаснење на депонијата во најбрз можен рок“, изјавија од иницијативата “Доста“.
Д. ЧУБРИЌ
