Општина Македонска Камeница прогласи тридневна жалост поради смртта на 13-годишно момче од овој град кое загина во сообраќајна несреќа. Тракторот во кој било момчето се превртел и на самото место момчето починало, додека возачот со телесни повреди е хоспитализиран во Клиничката болница во Штип .

Поради тридневната жалост во Македонска Каменица што ја прогласи градоначалникот Димчо Атанасов се откажани сите културн и други јавни настани како што се содржините во рамките на Каменичкото културно лето и прославата на Денот на рударите 28 август.

Т. ЈОВАНОВСКИ