Уапсен е 16-годишник откако полицијата при претрес во локал во Тетово кај него нашла поголема количина марихуана и друга дрога.  Задржан е во полициската станица во Тетово, а бидејќи е малолетник, биле повикани и неговите родители.

„На 16.04.2026 во 22:05 часот, полициски службеници од СВР Тетово лишија од слобода 16-годишник од Тетово поради сомнение за сторено кривично дело по член 215 од Кривичниот законик. При претрес во локал во Тетово, извршен со согласност од сопственикот, а кој под наем го користел малолетникот, пронајдени се и одземени 34 пакувања со марихуана, една кутија и една ќеса со марихуана и едно пакување со бела прашкаста материја. Тој е задржан во полициска станица и во присуство на родител со него ќе биде извршен службен разговор. По целосно документирање на случајот, против него ќе биде поднесена соодветна пријава“, соопшти СВР Тетово.

З. АНДОНОВ