Велешанецот Кенан Латифи (34 год) 16 години живее во Италија, во гратчето Сан Џовани Ротондо со околу 26.000 жители. Тој три години е активист на тамошниот Црвен крст и во изминатите два месеца е ангажиран како возач на возило на брза помош, превезувајќи болни од коронавирусот.
Латифи споделува искуство како е во Италија, но и праќа порака да се слушаат препораките на надлежните институции граѓаните да бидат дома.
„Со оваа кислородна комора болните од КОВИД-19 се пренесуваат од дома до болница или од болницата во мојот град до соседната Фоџа. Секојдневно се транспортираат 5-6 пациенти, работиме по 15 часа. Состојбата во Италија е критична и апелирам до сите жители во мојата Македонија, останете дома и чувајте се“, порача Латифи.
П. ПЕЧКОВ
