Реки води потекоа низ улиците во преспанското село Љубојно поради денешните обилни дождови, носејќи со себе кал и земја од околниот рид каде летото во 2025 со гола сеча беше исечени 1.500 кубици даб од манастирската шума.
„Доколку не се спречеше сечењето на дрвјата , ситуацијата ќе беше уште полоша. Ова се случува при секој дожд од летото, па наваму“, велат жителите на Љубојно.
- ПО 4 МЕСЕЦИ, ПРОТЕСТИТЕ ПРОТИВ СЕЧАТА ВО ЉУБОЈНО СТАВЕНИ ВО МИРУВАЊЕ, НО СЕКОЈ ЧЕКОР НА ИНСТИТУЦИИТЕ БУДНО СЕ СЛЕДИ, ВЕЛАТ ЖИТЕЛИТЕ
- СО СЕЧАТА ВО ЉУБОЈНО СЕ ПРАВИ ГОРОЦИД, ШУМАТА ЌЕ ЈА БРАНИМЕ СО ЖИВ ШТИТ, ВЕЛАТ ЖИТЕЛИТЕ КОИ ПРОТЕСТИРААТ 3 МЕСЕЦИ
Сечата запре поради протестите на жителите кои траеја 4 месеци. Ги ставија во мирување кон крајот на декември 2025, откако Министерство за земјоделство, шумарство и водостаопанство ги исвести дека е побарано експертско мислење за состојбите во атарот на селото предизвикани со сечата, како и проценка колку таа е ризична по месното население, имотите и локалната инфраструктура.
Од Министерството рекоа дека по добивањето на експертското мислење, ќе ги преземат неопходните активности.
Ж. ЗДРАВКОВСКА
