ВОДАТА ОД СТРУШКИОТ ВОДОВОД Е ЗАМАТЕНА И НЕ Е БЕЗБЕДНА ЗА ПИЕЊЕ

    ВОДАТА ОД СТРУШКИОТ ВОДОВОД Е ЗАМАТЕНА И НЕ Е БЕЗБЕДНА ЗА ПИЕЊЕОд Центарот за јавно здравје велат дека поради обилните врнежи од дожд кои деновиве го зафатија подрачјето дојде до нарушување на квалитетот на водата за пиење од градската водоводна мрежа во Струга. - Црн Дрим во Струга (Фото: СДК.МК)

    Водата од струшкиот водовод има зголемена матност и не е здравствено безбедна за пиење, соопштија денес од Центарот за јавно здравје во Охрид.

    „Поради обилните врнежи од дожд кои деновиве го зафатија подрачјето на општина Струга дојде до нарушување на квалитетот на водата за пиење од градската водоводна мрежа во Струга, по однос на параметарот матност. Од извршените мерења на водата за пиење од градскиот водовод во Струга, од страна на екипи на Центарот за јавно здравје Охрид, претпладнево, 28.11.2018 година, констатирана е зголемена матност во водата за пиење, со вредности значително поголеми од законски пропишаните“, велат од Центарот за јавно здравје.

    Од Центарот велат дека во вакви ситуации треба да се почитува Правилникот за безбедност на вода

    „Поради тоа и согласно Правилникот за безбедност на вода, водата од градската водоводна мрежа во Струга и селата кои се приклучени на градската водоводна мрежа, не е здравствено безбедна и истата не треба да се користи за пиење. Согласно процедурите, известени се надлежните институции и соодветните инспекциски служби за натамошно постапување“, велат од Центарот за јавно здравје.

    Центар за јавно здравје Охрид во координација со надлежните институции континуирано ја следи состојбата и навремено ќе информира за состојбата со квалитетот на водата во градскиот водовод во Струга.

    Д. ЧУБРИЌ

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира