Земјотрес со магнитуда од 3,5 степени беше почувствуван денеска во Скопје во 17.41 часот.

Според податоците со кои располага Сеизмолошката опсерваторија при Природно-математичкиот факултет во Скопје, во 17 часот и 41 минута беше почувствуван земјотресот чиј епицентар потекнува од епицентралното подрачје Скопје, со Рихтерова локална магнитуда, M_L3.5

Интензитетот на почувствуваниот земјотрес според податоците изнесува  IV степени според Европската макросеизмичка скала.

Според Европската сеизмолошка опсерваторија, епицентарот на земјотресот со длабочина од 5 км е на 21 км источно од Скопје.

Земјотресот траеше околу 10 секунди и не се чувствуваше со силен интензитет.