„МЕДЕНА ЗЕМЈА“ ПИРАТСКИ ПУШТЕН НА ЈУТЈУБ

    „МЕДЕНА ЗЕМЈА“ ПИРАТСКИ ПУШТЕН НА ЈУТЈУБ„Пиратиран е филмот, секако. Реагирано е до Јутјуб, и ќе го извадат. Предупредувам дека секакво објавување на линкот од Јутјуб со пиратираниот филм е казниво со закон и ние соодветно ќе реагираме“, ни рече продуцентот Атанас Георгиев. (Фото: Принтскрин од Јутјуб)

    Документарецот „Медена земја“ кој завчера доби 2 номинации за Оскар, синоќа е пиратски пуштен на Јутјуб. Филмот на Тамара Котевска и Љубомир Стефанов на Јутјуб е постиран од извесен корисник со иницијали ЈП и веќе вирално се шири низ социјалните мрежи.

    Светските дистрибутерски права за „Медена земја“ ги има американската куќа „Неон“, а филмот моментално е во понуда на стриминг гигантот „Хулу“.

    „Пиратиран е филмот, секако. Реагирано е до Јутјуб, и ќе го извадат. Предупредувам дека секакво објавување на линкот од Јутјуб со пиратираниот филм е казниво со закон и ние соодветно ќе реагираме“, ни рече продуцентот Атанас Георгиев.

    „Медена земја“ испиша историја со тоа што доби номинација и во категоријата најдобар документарец и за најдобар странски филм, што досега не се случило во 92-годишното постоење на Оскарите.

    „Неон“ е дистрибутер и на јужнокорејскиот „Паразит“ на Бонг Јон-хо кој има 6 номинации за Оскар меѓу кои и за најдобар странски филм.

    М. КОСТОВА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари