ПОЧИНА РЕЖИСЕРОТ И ПРОФЕСОР ЗЛАТКО СЛАВЕНСКИ

    ПОЧИНА РЕЖИСЕРОТ И ПРОФЕСОР ЗЛАТКО СЛАВЕНСКИРежисерот Златко Славенски беше професор и шеф на катедрата за театарска режија на Факултетот за драмски уметности во Скопје

    Режисерот Златко Славенски почина денес потврдија Факултетот за драмски уметности за САКАМДАКАЖАМ.МК, каде Славенски беше професор и шеф на катедрата за театарска режија. Имаше 53 години.

    Неофицијално, на Славенски му се слошило за време на час со студентите.

    Славенски во богатата кариeра ги има поставувано текстовите на Шекспир, Гете, Пинтер, Горан Стефановски, Сашко Насев, Венко Андоновски.

    Меѓу насловите кои ги има поставено се: „Будење“, „Соларис“, „Папокот на светот“, а меѓу последните претстави му беа „Бесови“ во 2011 и „Сината птица“ во Македонскиот народен театар (МНТ) во 2014 и „Кавкаски круг со креда“ во Драмски театар во 2013.

    Славенски беше во брак со актерката од МНТ Искра Ветерова.

    Б. НЕСТОРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари