ЗЛАТЕН ЛАВ ЗА АМЕРИКАНСКИОТ „НОМАДЛЕНД“ НА КИНЕСКАТА РЕЖИСЕРКА КЛОЕ ЖАО

    ЗЛАТЕН ЛАВ ЗА АМЕРИКАНСКИОТ „НОМАДЛЕНД“ НА КИНЕСКАТА РЕЖИСЕРКА КЛОЕ ЖАОТриесет и осумгодишната кинеска режисерка Клое Жао која работи во САД е прва жена добитничка на престижниот Златен лав после 10 години; - На церемнијата за Златен лав со оскаровката Френсис Мекдорманд која ја игра главната улога се обратија со видеопорака од Пасадена, САД. (Фото: Принтскрин од видео)

    Американскиот филм „Номадленд“ на кинеската режисерка Клое Жао го доби Златниот лав на Венецискиот филмски фестивал, кој заврши вечерва. Седумдесет и седмото издание на Венецискиот фестивал се одржа во физичка форма, и е прв од големите фестивали кои се вратија во киносалите од почетокот на коронакризата.

    „Номадленд“, еден од најочекуваните филмови на американската независна сцена во кој игра oскаровката Франсис Мекдорманд, е награден од жирито на чело со австралиската оскаровка Кејт Бланшет. Триесет и осумгодишната кинеската режисерка Жао која работи во САД е прва жена добитничка на престижната награда после 10 години. Филмот е по книгата „Номадленд: Да се преживее Америка во 21. век“ на Џесика Брудер. Мекдорманд го игра ликот на Ферн, која по пропаѓањето на компанијата во рурална Невада ќе тргне на пат со комбе истражувајќи го неконвенционалниот живот на современ номад. Ова е трет филм на Жао, имаше светска премиера вчера во Венеција, истиот ден играше и на фестивалот во Торонто, а во октомври ќе игра и во Њујорк. Филмот доби одлични критики, особено за Мекдорманд и веќе се смета за кандидат за Оскар. Следен филм на Жао е „Вечните“ на Марвел кој излегува во февруари 2021.

    Јапонецот Кијоши Куросава доби Сребрен лав за најдобра режија за филмот „Жена на шпион“, Британката Ванеса Кирби е најдобра актерка за улогата во „Делови од жена“ на Корнел Мундрузо, а Италијанецот Пјерфранческо Фавино најдобар актер за „Оче наш“ на Клаудио Ноче.

    Мостра отвори на 2 септември со „Лачи“ на Даниеле Лукети, а во конкуренцијата за наградата беа 4 италијански филмови, „Сестрите Макалузо“ на Ема Данте, „Госпоѓица Маркс“ на Сузана Никјарели, „Оче наш“ на Клаудио Ноче и еден од најочекуваните филмови на документаристот венециски лауерат Џанфранко Роси „Ноктурнал“, снимен среде деструкцијата во Сирија.

    Во конкуренцијата за Златен лав беа и рускиот автор Андреј Кончаловски кој ј освои Специјалната награда на жирито за „Драги другари“, унгарскиот Корнел Мундруцо, полската Малгоржата Шумовска, иранскиот Маџид Маџиди, јапонскиот Кијоши Куросава, израелскиот Амос Гитаи и Босанката Јасмила Жбаниќ.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари