Фармацевтската компанија „Алкалоид“ денеска одбележа 45 години постоење на еден од нивните најпрепознатливи брендови, колекцијата производи за деца „Бекутан“.

Менаџерот на компанијата Живко Мукаетов рече дека е голема чест да се прослави ваков голем јубилеј и е горд што со „Бекутан“ растеа и растат генерации кај нас, но и на фактот што брендот континуирано расте во регионот.

„Денеска би сакал да ви се обратам не како човек кој е менаџер во компанијата, туку како човек кој е родител и татко на четири деца. Моите родители го користеа ‘Бекутан‘, јас и мојата сестра го користиме ‘Бекутан‘, јас и мојата сопруга го користиме овој производ. Од 1978 година, откако постои кремчето ‘Бекутан‘, досега се произведени повеќе од 60 милиони теглички, што е уште еден доказ за квалитетот и традицијата. Уште еден доказ дека тоа е производ на кој може апсолутно да му се верува“, кажа Мукаетов.

Силвија Брајовиќ од СОС Детското село, рече дека со „Бекутан“ сите изминати години растат и се негуваат децата од селото.