АВСТРАЛИЈА СТАНА 25. ЗЕМЈА КОЈА ОЗАКОНИ ИСТОПОЛОВИ БРАКОВИ

    АВСТРАЛИЈА СТАНА 25. ЗЕМЈА КОЈА ОЗАКОНИ ИСТОПОЛОВИ БРАКОВИАвстралија гласаше за повеќе љубов и еднаквост, кажа премиерот Малколм Турнбул (Фото: Гардијан)

    Австралискиот парламент речиси едногласно го усвои новиот закон, со кој се легализираат истополови бракови.

    Австралија со тоа стана 25. држава во светот која овозможува брак на двајца луѓе, без разлика на нивниот пол.

    Претставничкиот дом денеска го изгласа законот, кој претходно доби голема поддршка од јавноста на неофицијалниот референдум. Против него се изјаснија само четворица пратеници.

    „Австралија го направи тоа. Денеска гласавме за еднаквост, љубов, за повеќе венчавки, посветеност и почитување. Тоа е Австралија: праведна, различна, сакана и полна со респект“, кажа премиерот Малколм Турнбул.

    Јавниот обвинител Џорџ Брендис изјави дека хомосексуалните двојки ќе можат да се венчаваат најрано од 6 јануари 2018 година.

    Првата земја која легализираше геј бракови беше Холандија во 2001 година, по што нејзиниот пример го следеа САД, Канада, Велика Британија, Франција, Германија, Шпанија, Португалија, Јужна Африка (единствена во Африка)…

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари