Компанијата „Бош“ претстави автомобилска кабина со вештачка интелигенција (ВИ) што може да комуницира со возачот на природен јазик, да пронаоѓа паркинг и самостојно да го паркира возилото. Системот беше најавен на саемот за електорника ЦЕС во Лас Вегас и користи два модели за вештачка интелигенција – еден за разговор и еден за визуелно разбирање на околината во и надвор од автомобилот.

Кабината овозможува интеракција слична на разговор со човек и нуди ново искуство во возењето, но сè уште не е познато кој производител прв ќе ја вгради. „Бош“ исто така развива електронски системи за управување и сопирање без механички врски, со цел напредни софтверски безбедносни функции.

Компанијата најави и партнерство со „Кодиак АИ“ за развој на автономни камиони, како и големи инвестиции во САД. „Бош“ очекува приходите од софтвер и дигитални услуги да надминат 6 милијарди евра до раните 2030-ти, главно од автомобилскиот сектор.