Слика на Винсент ван Гог е украдена денеска од музејот Сингер Ларен во Амстердам, објавија официјални лица од оваа институција.

Крадците упаднале во музејот ноќеска после три часот и го украле делото „Пролетна градина“ од 1884 година. Сликата привремено беше позајмена во Сингер Ларен од музејот во Гронинген. Ниедно друго дело не е украдено.

„Бесни сме, шокирани и тажни поради грабежот“, изјави генералниот директор на музејот, Еверт фан Ос.

Од музејот во Гронинген објавија дека тоа е единствената слика од Ван Гог што била во нивна колекција. Вредноста на сликата не е позната.