Демонстрант излезе на сцената на Евровизија во Лисабон за време на настапот на британската пејачка Сурај и ѝ го зеде од раце микрофонот .

Медиумите пренесуваат дека демонстрантот наводно викнал: „ Нацисти на британските медиуми, бараме слобода“.

Пејачката остана смирена и успеа да ја заврши докрај изведбата на песната „Бура“.

Од Европскиот радиодифузен совет соопштија : „Одговорното лице во моментов е во полициски притвор”.

Сурај одби да настапи повторно, велејќи дека нема „апсолутно никаква причина”, бидејќи „таа и нејзиниот тим се исклучително горди на нејзината изведба“.

Финалето на Евровизија во моментов се гледа од околу 200 милиони ТВ гледачи.